បាត់ដំបង៖ ម៉ូតូមួយគ្រឿងជិះក្នុងល្បឿនលឿនហើយបានវ៉ាជែងរថយន្ដស្រាប់តែដួលចូលទៅក្នុងរថយន្ដ បណ្ដាលឲ្យមនុស្ស០២នាក់បានស្លាប់ភ្លាមៗនៅកន្លែងកើតហេតុ។
ហេតុការណ៍ខាងលើបានកើតឡើងកាលពី វេលាម៉ោង៨យប់ ថ្ងៃទី៤ ខែឧសភា ឆ្នាំ២០២២ នៅលើចំណុចផ្លូវជាតិលេខ៥៩ ស្ថិតនៅក្នុងក្រុមទី៣ ភូមិថ្នល់បំបែក ឃុំសំពៅលូន ស្រុកសំពៅលូន ខេត្តបាត់ដំបង។
លុះមកដល់កន្លែងកើតហេតុ ក៏បានវ៉ាជែងនិងម៉ូតូម៉ាកឌ្រីមពណ៌ខ្មៅពាក់ស្លាកលេខ 1 AP 4193 (បាត់ដំបង) ដែលបើកបរដោយឈ្មោះ ឃៀង សុខជា ភេទប្រុស អាយុ១៦ឆ្នាំរស់នៅភូមិ ក្បាលល្ហុង ឃុំអង្គរបាន ស្រុកសំពៅលូនខេត្ត ទើបបណ្តាលអោយប៉ះដៃចង្កូតក៏បានដួលតែម្តង។ ពេលនោះក៏មានរថយន្តម៉ាក ត្រាយតុន ពណ៌ទឹកប្រាក់ ពាក់ស្លាកលេខ 2AA 0411(ភ្នំពេញ)បើកបរដោយឈ្មោះ ណាំ សុពៅ ភេទប្រុស អាយុ២៤ឆ្នាំរស់នៅ ភូមិប៉ាហ៊ីជើង សង្កាត់ប៉ៃលិន ក្រុងប៉ៃលិនខេត្ត ដែលកំពុងបើកបរមកពីមុខក៏បានបុក បណ្តាលអោយស្លាប់មនុស្ស២នាក់ភ្លាម ។
សមត្តកិច្ចសន្និដ្ឋានថា ជនរងគ្រោះបានបើកបរវ៉ាជែងជាមួយម៉ូតូដែលធ្វើដំណើរស្របទិសគ្នាបណ្ដាលឲ្យទាក់ដៃចង្កូតដួលទៅខាងមុខរថយន្តដែលធ្វើដំណើរបញ្ច្រាសទិសគ្នា ដោយម៉ូតូដែលដួលនេះអូសចម្ងាយជិត៣០ម៉ែត្រ ទើបចូលរថយន្តដោយសារល្បឿនលឿន។
ក្រោយកើតហេតុសមត្តកិច្ចជំនាញ់កោសលវិច្ច័យ វាស់វែងរួចនិងប្រគល់ជូននគរបាលចរាចរណ៍ផ្លូវគោកខេត្តបាត់ដំបង ដើម្បីចាត់ការតាមនីតិវិធី ចំណែកអ្នកបើកបររថយន្តក៏បានបញ្ជូនទៅការិយាល័យផងដែរ ៕
