ភ្នំពេញ៖ តាមប្រភពពីគណនីហ្វេសប៊ុកផេគរបស់លោកឧកញ៉ា សម្បត្តិ បានសរសេរបង្ហោះនៅមុននេះបន្តិចថា ថ្ងៃនេះខ្ញុំបានដោះស្រាយវិវាទរបស់ប្អូនប្រុញ និង Admin គង់ កាន បានបញ្ចប់ដោយឈ្នះៗ បានយល់ដឹងពីបញ្ហាកំហុសឆ្គងយល់ច្រលំលើគ្នា ឥលូវគ្រប់យ៉ាងដោះស្រាយដោយសន្តិវិធី ។ប្អូនប្រុញក៏បានសុំខមាទោសប្អូនគង់កានដែលធ្លាប់ជា Admin បណ្តុះបណ្តាលជួយប្អូនរហូតដល់មានកេរ្ត៍ឈ្មោះបោះសំឡេងរហូតបានមកជួបខ្ញុំ ។
ហើយលទ្ធផលប្អូនគង់កានក៏បានប្រគល់ម៉ូតូដែលទិញជូនប្រុញកាលធ្វើការជាមួយគ្នាទៅប្រុញដោយផ្ទាល់ដៃ ។
ហើយរថយន្តដែលខ្ញុំធ្លាប់បានប្រកាសជូនប្អូនប្រុញ ក៏ប្រគល់ជូនប្អូនប្រុញជាម្ចាស់រថយន្តនេះតែម្នាក់ប៉ុណ្ណោះ ដោយមិនមានការចែកចាយនោះទេ ព្រោះតាំងពីដើមមកខ្ញុំបានបញ្ជាក់ហើយគឺប្រគល់ជូនប្អូនប្រុញដោយការអាណិតស្រលាញ់ ។
ដូច្នេះ បន្ទាប់ពីដំណើរការនៃការដោះស្រាយ ដែលមានជាវីដេអូ និងបង្ហាញជូនជាសាធារណៈ ដើម្បីបងប្អូនអស់ចម្ងល់ ។
គួរបញ្ជាក់ផងដែរថា នាពេលកន្លងទៅថ្មីៗនេះ គេសង្កេតឃើញថានាយប្រុញបានបញ្ឈប់និងចូលរួមសកម្មភាពថតវីឌូអូជាមួយនិងក្រុមកាងាររបស់លោក គង់ កាន ដោយសារមិនទទួលបានថវិការ។
ក្រោយមករឿងរ៉ាវខាងលើក៏បានផ្ទុះឡើង បន្ទាប់ពីលោក ពេជ្រ ស្រស់ បានសរសេរសំនេរបង្ហោះពាក់ព័ន្ធរឿងនាយប្រុញ មិនទទួលបានលុយពីការថតវីឌូអូ នៅក្នុងគណនីហ្វេសប៊ុកកាលពីថ្ងទី២៤ ខែមេសា ឆ្នាំ២០២២ ៕
