បុរសចំនួន០៣នាក់រងបួសធ្ងន់ស្រាល ក្រោយពីពួកគេទាំង០៣នាក់ខាងលើបានបើករថយន្តមួយគ្រឿងក្នុងស្ថានភាពល្បឿនលឿនក៏បានរេចង្កូតទៅបុកបង្គោលភ្លើងបំភ្លឺផ្លូវបាក់អស់មួយដេីម

ភ្នំពេញ៖ បុរសចំនួន ០៣នាក់ត្រូវបានរងរបួសធ្ងន់ស្រាល ក្រោយពីពួកគេបើករថយន្តមួយគ្រឿងក្នុងស្ថានភាពល្បឿនលឿនក៏បានរេចង្កូតទៅបុកបង្គោលភ្លើងបំភ្លឺផ្លូវបាក់អស់មួយដេីម ហើយបន្តបុកចូលការដ្ឋានសំណង់ មួយកន្លែងទៀតបណ្ដាលឲ្យក្រឡាប់ផ្ងារជើងនិងរងការខូចខាត ។

ហេតុការណ៍ខាងលើនេះបានកើតឡើង កាលពីវេលាម៉ោង១ៈ១០នាទី រំលងអធ្រាត្រឈានចូលថ្ងៃទី១០ ខែមិថុនាឆ្នាំ២០២៣ ស្ថិតនៅតាមបណ្ដោយផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់បានបើករថយន្ត ម៉ាកព្រូសពណ៌ទឹកប្រាក់ ពាក់ស្លាកលេខភ្នំពេញ2BK 4535 និងមានកអ្នករួមដំណើរចំនួនពីរនាក់ទៀត ដែលធ្វើដំណើរតាមបណ្ដោយផ្លូវ៦០ម៉ែត្រក្នុង បើកបរក្នុងទិសដៅពីជើងទៅត្បូងក្នុងល្បឿនលឿនខណៈមកដល់ចំណុចកើតហេតុក៏បានរេចង្កូតមកខាងឆ្វេងដៃ ជ្រុលបុកបង្គោលភ្លើងបំភ្លឺផ្លូវ បណ្ដាលឲ្យបាក់រាបដល់ដី ហើយរថយន្តបង្កនៅមិនទាន់អស់ល្បឿន បន្តបុកចូល ជញ្ជាំងការដ្ឋានសំណង់មួយកន្លែង ធ្លុះចូលដល់ក្នុងក្រឡាប់ផ្ងាជេីងរងការខូចខាតយ៉ាងដំណំ ។

ក្រោយេះពេលកើតហេតុក្រុមកម្មករសំណង់ស្នាក់នៅក្នុងរោងក្បែរទីនោះនាំគ្នាជួយទាញ មនុស្សចេញពីក្នុងរថយន្ត នឹងបានទាក់ទងទៅកម្លាំងសមត្ថកិច្ចមូលដ្ឋានចុះមកដល់ទីកន្លែងកើតហេតុធ្វើការវាស់វែងរួចយកទៅរក្សាទុកនៅការិយាល័យចរាចរណ៍ជើងគោកនៃស្នងការនគរបាលរាជធានីភ្នំពេញរង់ចាំធ្វើការដោះស្រាយនៅពេលក្រោយ៕