មនុស្សចំនួន០៣នាក់ រងរបួសធ្ងន់ ក្នុងគ្រោះថ្នាក់ចរាចរណ៍ រវាម៉ូតូនិងរថយន្តធុនធំអួសសណ្ដោងរុឺម៉ក

ភ្នំពេញ ៖ មនុស្សចំនួន០៣នាក់ប្តីប្រពន្ធនិងកូនតូច រងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍មួយកើតឡើងរវាងរថយន្តធុនធំអូសសណ្តោងរុឺម៉ក បើកបុកពីក្រោយម៉ូតូហុងដាឌ្រីមយ៉ាងពេញទំហឹង នឹងបានរុញផ្ទប់ទៅនឹងខឿនទ្រូងផ្លូវ កល់ជាប់ម៉ូតូពីក្រោមរថយន្ត។

ហេតុការណ៍គ្រោះថ្នាក់ចតរាចរណ៍ខាងលើបានកើតឡើង​ កាលពីវេលាម៉ោង៤ៈ០០រសៀល ថ្ងៃទី០៨ ខែកញ្ញា ឆ្នាំ២០២២ នៅតាមមហាវិថីឈ្នះ ឈ្នះ ស្ថិតក្នុងភូមិកប់ស្រូវតូច សង្កាត់គោករកា ខណ្ឌព្រែកព្នៅ រាជធានីភ្នំពេញ ។

ប្រភពព័ត៌មានពីកន្លែងបានឲ្យដឹងថា នៅមុនកើតហេតុគេឃើញ រថយន្តមួយគ្រឿង ម៉ាកហុីយ៉ាន់ដាយ ពណ៌ខៀវ ពាក់ស្លាកលេខ កំពង់ចាម3A-3092 អូសសណ្តោងរុឺម៉ក បើកបរក្នុងល្បឿនលឿន នៅក្នុងទិសដៅពីលិចទៅកើត។ស្រាប់តែមកដល់ចំណុចកើតហេតុ ក៏ជ្រុលទៅបុកពីក្រោយម៉ូតូ ម៉ាកហុងដាឌ្រីម ស៊េរី២០២២ ពណ៌ខ្មៅ កំពង់ធំ1E-7741 ដែលជិះដោយជនរងគ្រោះ ៣នាក់ ប្តីប្រពន្ធនិងកូនតូច ហើយរុញផ្ទប់ទៅនឹងខឿនទ្រូងផ្លូវ ម៉ូតូកល់ជាប់ពីក្រោយ បណ្តាលឲ្យរងរបួសធ្ងន់ ៣នាក់ ម៉ូតូរងខូចខាតយ៉ាងដំណំ ។

ក្រោយកើតហេតុជនរងគ្រោះត្រូវបានដឹកបញ្ជូនទៅសង្គ្រោះនៅមន្ទីរពេទ្យ។ចំណែកមធ្យោបាយទាំង២គ្រឿង គឺរថយន្តនិងម៉ូតូ ត្រូវបានប្រគល់ឲ្យការិយាល័យចរាចរជើងគោក ស្នងការដ្ឋាននគរបាលរាជធានីភ្នំពេញ វាស់វែងយកទៅរក្សាទុក រងចាំដោះស្រាយគ្នានៅពេលក្រោយ ៕