បុរសម្នាក់ជិះម៉ូតូឆ្លងស្តុប ត្រូវរថយន្តតfordraptor បុកចំពីមុខពេញទំហឹង ហើយកិនអូសទាំងម៉ូតូ និងមនុស្ស ជាច្រើនម៉ែត្រ បណ្ដាលឲ្យស្លាប់ក្រោមរថយន្តយ៉ាងអាណោចអាធ័ម

ប្រភពពីកន្លែងកើតហេតុ បានឲ្យដឹងថា មុនកើតហេតុគេឃើញបុរសម្នាក់ ជិះម៉ូតូម៉ាកនិច ពណ៌សមួយគ្រឿងពាក់ស្លាកលេខ ភ្នំពេញ 1GT-3701 ធ្វើដំណើរតាមបណ្តោយផ្លូវ៣៦០ ក្នុងទិសដៅពីកើតទៅលិចក្នុងល្បឿនលឿន លុះមកដល់ចំណុចកើតហេតុខាងលើ បម្រុងនិងជិះឆ្លងស្តុប ពេលជិះដល់ពាក់កណ្តាលស្តុប ក៏មានរថយន្តបង្ក fordraptor ពណ៌សមួយគ្រឿងពាក់ស្លាកលេខ ភ្នំពេញ2BP-9157 បើកបរដោយបុរសម្នាក់ធ្វើដំណើរ តាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូង ក្នុងល្បឿនយ៉ាងលឿន ហើយមិនប្រយ័ត្នក៏ជ្រុលទៅបុកម៉ូតូម៉ាកនិច ពេញទំហឹងដែលកំពុងតែជិះឆ្លងភ្លើងស្តុប បណ្តាលឲ្យដួលហើយកិនពីលើ អូសទាំងម៉ូតូនិងមនុស្សច្រើនម៉ែត្រ បណ្តាលឲ្យស្លាប់ភ្លាមៗនៅក្រោមរថយន្តយ៉ាងអាណោចអាធ័ម រីឯតៃកុងតថយន្ត ត្រូវសមត្ថកិច្ចឃាត់ខ្លួន យកទៅសួរនាំភ្លាមៗ នៅប៉ុស្តិ៍នគរបាលរដ្ឋបាលសង្កាត់បឹងកេងកងត៕