ភ្នំពេញ ៖ រថយន្តស៊េរីទំនើបមួយគ្រឿងម៉ាក BMW បើកបំពានភ្លើងសញ្ញា ស្តុប ត្រូវបានរថយន្តកូរ៉េ ដឹកទឹកកក បុកចំពីចំហៀងយ៉ាងពេញទំហឹងបណ្ដាលឲ្យរងការខូចខាតយ៉ាងដំណំ ។ហេតុការណ៍ខាងលើកើតឡើងកាលពីវេលាម៉ោង ១២ : ១០ នាទីយប់រំលងអធ្រាត្រឈាន ចូលថ្ងៃទី៦ ខែកក្កដាឆ្នាំ ២០២២ ស្ថិតនៅាបណ្ដោយផ្លូវច្រមុះ ជ្រូក ស្តុបក្បាលថ្នល់ សង្កាត់ផ្សារដេីមស្កូវខណ្ឌ ចំការមន ។
ប្រភពពីសមត្ថកិច្ចបានឲ្យដឹងថា នៅមុនពេលកើតហេតុគេបានឃើញរថយន្តស៊េរីទំនើបម៉ាក BMW ពណ៌ ប្រផេះ មួយគ្រឿងពាក់ស្លាកលេខភ្នំពេញ 2AN-9728 បើកដោយបុរសជនជាតិបរទេស ១ក្រុម ធ្វើ ដំណើរតាម បណ្តោយ ផ្លូវ ៦០ម៉ែត្រ ក្នុង ទិសដៅពីត្បូង ទៅ ជើង ។ស្រាប់ តែពេលមកដល់កន្លែងកើតហេតុ នៅត្រង់ ចំណុច ស្តុប ក្បាល ថ្នល់ ដោយ បេីក បំពាន ភ្លើង សញ្ញា ស្តុប ក្រហម ក៏ ត្រូវ បាន រថយន្ត កូរ៉េ ប្រភេទ ដឹក ទឹក កក មួយ គ្រឿង ពណ៌ ស ពាក់ ស្លាកលេខ ភ្នំពេញ 2R-5828បើក បរ ដោយ បុរ ស ម្នាក់ ធ្វើ ដំណើរមក ពី ស្ពាន ច្បារ អំពៅ ឆ្ពោះ ទៅ បណ្តោយ ផ្លូវ ២៧១ បានបុក ចំពីចំហៀង យ៉ាងពេញ ទំហឹង បណ្ដាល ឲ្យ រថយន្ត ស៊េរី ទំនើប ម៉ាក BMW ទទួល រង ការ ខូច ខាត ចំផ្នែក ខាង មុខ ចំហៀង ខាង ស្តាំ ស្ទើរ ទាំង ស្រុង ។ ចំណែក ឯ រថយន្ត ដឹក ទឹក កកវិញ រង ការ ខូចខាត ចំផ្នែក ខាង មុខ យ៉ាង ដំណំ ផងដែរ ។
ក្រោយេពេលកើតហេតុគេឃើញមានវត្តមានរបស់កម្លាំងសមត្ថកិច្ចមូលដ្ឋានបានចុះទៅដល់ទីតាំង កន្លែងកើតហេតុរួចរាយការណ៍បន្តទៅសមត្ថកិច្ចជំនាញចរាចរណ៍ចុះមកធ្វើការត្រួតពិនិត្យបន្ថែមទៀតផងដែរ។
បច្ចុប្បន្ននេះភាគីទាំងសងខាងបាន ធ្វើការសម្របសម្រួលចរចាគ្នា បញ្ចប់រឿង ដោយភាគីម្ចាស់រថយន្តស៊េរីទំនើបម៉ាក BMW សងថ្លៃខូចខាតចំនួន ១០០ ដុល្លារទៅឲ្យភាគីម្ចាស់រថយន្តដឹកទឹកកក ដើម្បីបញ្ចប់រឿងនៅកន្លែងកើតហេតុ៕
